रसुवा — बुधबार बिहान ८ः४० बजे रसुवाको भोटेकोशी नदीमा आएको भीषण बाढीका कारण ठूलो जनधनको क्षति भएको छ। बाढीका कारण रसुवा, नुवाकोट, धादिङ र गोरखालगायत जिल्लाका नदी तथा तटीय क्षेत्र प्रभावित भएका छन्।

बाढीपछि सरकारले प्रभावित क्षेत्रमा उद्धार, खोज तथा राहतका कार्यलाई तीव्रता दिएको छ। बाढीबाट भएको मानवीय तथा भौतिक क्षतिको यकिन विवरण संकलन गर्ने कार्यसमेत जारी रहेको जनाइएको छ।

विपद्बाट प्रभावित नागरिकलाई तत्काल सुरक्षित स्थानमा व्यवस्थापन गर्नुका साथै दीर्घकालीन रूपमा पुनःस्थापना गर्नुपर्ने आवश्यकता देखिएको छ। यसका लागि प्रधानमन्त्री तथा मन्त्रिपरिषद्को कार्यालयअन्तर्गत रहेको प्रधानमन्त्री दैवी प्रकोप उद्धार कोष तथा प्रधानमन्त्री राहत कोषमा आर्थिक सहयोग गर्न सरकारले तथा सम्बन्धित निकायले सबैमा अपिल गरेका छन्।

बाढीपीडितको उद्धार, राहत, पुनःस्थापना तथा पुनर्निर्माणमा सहयोग पुर्‍याउन इच्छुक व्यक्ति तथा संस्थालाई तल उल्लेखित बैंक खातामार्फत सक्दो आर्थिक सहयोग गर्न अनुरोध गरिएको छ।

विपद्को यस कठिन घडीमा बाढीपीडितको जीवनरक्षा र पुनःस्थापनाका लागि सबैको सहयोग आवश्यक रहेको जनाइएको छ।